Sa fura de su cuaddu de Santu Giacu

Custu contu chistionat de unu cuaddu chi nd´iant furau in sa bidda de Sinnules. Chistionat de sa festa de Santu Giacu e de cumenti sa genti de sa bidda at bìviu custa festa.
Sinnules est una bidda imbentada: no s´a-gatat in logu perunu o fortzis s´agatat apetotu! Custu podit-fai pensai ca in su contu de arreali no ndi apat nudda... A nai sa beridadi su contu est nàsciu de esperièntzias bìvias e de cosas intèndias chi funt stètias totus trumbulladas de sa memòria e amesturadas cun sa fantasia. A s´acabu de arrealidadi nò nd´at e chi puru ddui fessat stètia, imoi est sparèssia.
Unu contu est totu su chi abarrat: custa est s´arrealidadi!