Cale soberania?: autonomia federalismu indipendèntzia

...] Dae su 1948 sa Sardigna est guvernada cun unu regime autonomìsticu ispetziale. No intramus in su mèritu de s´istatutu (si est bonu, si est malu) ca sos resurtados sunt a dae in anti de totus, est chi no est a totus chi est pràghida custa forma de autonomia e medas pensant chi non siat àteru chi un´àteru modu, prus modernu, de mantènnere s´ìsula a suta de su podere romanu, ghetende sas neghes a sos sardos chi non resessint a si guvernare a sa sola. Nch´at currentes polìticas chi pensant chi s´autonomia devet èssere reformada ca no est s´idea isballiada ma sa forma e, duncas, b´at bisòngiu de torrare a fàghere s´istatutu. Àteros narant chi s´idea matessi de autonomia est superada e chi bisòngiat de passare a formas de soberania. Àteros galu, narant chi sa chistione sarda no est chistione de autonomia ma de libertade e de indipendèntzia. [...]
(dae s´editoriale)