Poeta. Nàschidu in Thiesi in su 1870 in una famìglia cun meda fizos. At istudiadu fintzas a che arribbare a su ginnàsiu. Pro medas annos est istadu segretàriu comunale e at trabballadu in unas cantas biddas de sa Sardigna. Pois de s´èssere lassadu, non s´ischit proite, cun sa pobidda, at atèndidu a sos genitores e a chimbe sorres bagadias. Est istadu vicesegretàriu de s´Amministratzione provinciale de Tàtari. Est mortu in Tàtari in su 1942.
De isse tenimos duas regortas de poesias pubblicadas una in su 1921 e s´àtera in su 1923.