Edizioni Condaghes
Edizioni Condaghes

condaghes.com

Tìtulos
Tìtulos
Autores
Novas
Documentos

Paberiles

Su nomen paberiles est stadu seberadu cun un’intentu pretzisu: sa collana cheret esser unu terrinu inue si podet “pascer” sa lingua sarda, in tottus sas variantes suas, mescamente cun sas operas in prosa, noas e classicas.
In sos tempos antigos su paberile paret chi fessit su terrinu de sos donnos paberos, gente pobera ma nobile a su mattessi tempus, comente est sa lingua nostra. Pro tramudare custu terrinu torra galanu e bundanthiosu bi cheret su traballu e sa passienthia de tottus sos omines e sas feminas de bona voluntade. S’impresa est troppu manna pro bi la fagher personas a solas, ma si nos ponimos tottus impari su paberile podet torrare birde e riccu.
Est craru chi non est a sos tempos antigos chi dep-pimos abbaidare. Si sa lingua sarda cheret abarrare bia in su terzu millenniu, toccat chi bivat e crescat cun sos strumentos e sos me-dios modernos. Non faghet a nos scabuller da custu destinu.
Oe sa prioridade pro su sardu est sa de tenner una forma scritta chi tottus podent cumprender e usare. Comente pro tottas sas linguas beras, nascidas da sa cultura de unu populu, custa variedade cheret ajudada a nascer e a crescer: a pagu a pagu o tottu in una borta, ma fattu cheret. Non b’at nudda in su mundu de sa cultura chi sutzedat a solu, chi nde falet da su celu. Sa cultura dda faghet sa gente.
S’intentu de sa collana est custu: ajudare sa lingua nostra a colare innanti cara a sa modernidade. Prima de nos, atteros ant ja tracciadu sa bia, isperamos che meda atteros ant a sighire.

SOS TÌTULOS DE CUSTA COLLETZIONE: 47 (19 - 24)

Crònaca de una morti annuntziada

Gabriel García Márquez
Is fradis Vicario ant detzìdiu de isperdi a Santiago Nasar. Totu sa bidda ddu scit, ma nisciunus fait nudda, o mellus is chi podint fai calincuna cosa nci pròvant a dda fai. Su chi...(sighit)

Dona Mallena

Larentu Pusceddu
Prémiu "Casteddu de sa Fae" - 2006 In beranu su 1866, Alfredo Bruni, atendente de Garibaldi, abbojat in Núgoro a dona Mallena, fiza única de don Andria Pirisi, su proprietàriu prus...(sighit)

Sos de "Parte Tzier"

Costantina Frau
Sos logos de custu romanzu sunt cussos chi, in sos séculos colaos, fut su féudu de Parte Tzier Canales, comente a nàrrere sas biddas a inghíriu de su Tirsu, francu Bidumajore. S´època...(sighit)

Morte de unu Presidente

Zuanne Frantziscu Pintore
A Nenardu Angioni, presidente de su guvernu sardu l´agatant mortu, mesu nudu in su dominàriu de Istene Demaias, cabu de su Parlamentu. A sa prima, paret un´istòria de fantzeddos agabada...(sighit)

Jonathan Livingston su cau

Richard Bach
Jonathan Livingston est unu cau chi lassat sa truma po sighiri sa bidea sua de vida, chi no est feti a bolai po si buscai sa cosa de papai, ma est sa circa de su primori in su bòlidu...(sighit)

A ballu tango

Antoni Arca
Un´òmine isetat de partire. Un´àteru òmine acabat de arribare in domo de un´amigu. Un´òmine e una fèmina sunt in su letu issoro. Unu giòvanu istudiante cheret intervistare a su mere...(sighit)
1 2 3 4 5 6 7 8